VIRA

Datos de contacto:

Empresa: STRATEGOS COGNITIVE, S.L.

Contacto: Antonio Garrido

Teléfono: +34 637 167 987

Descrición do proxecto:

VIRA Automotive é unha plataforma de axentes de intelixencia artificial especializada en provedores Tier 1, Tier 2 e Tier 3 da automoción. A solución traballa sobre os sistemas de xestión xa implantados na empresa —ERP, QMS, CAQ, Power BI ou outras ferramentas corporativas— para interpretar requisitos de cliente e normativos, detectar desviacións, xestionar evidencias e apoiar a toma de decisións en calidade, auditoría e mellora continua.

A súa proposta de valor consiste en transformar sistemas tradicionalmente orientados ao rexistro de información nun contorno de xestión máis proactivo, capaz de relacionar requisitos, procesos, controis, evidencias e accións correctivas. Deste xeito, axuda a reducir non conformidades, minimizar os custos da non calidade e diminuír o esforzo dedicado á xestión do sistema, incorporando coñecemento experto e capacidades preditivas de forma continua.

−65%

Preparación de auditorías IATF 16949 / VDA 6.3

−70%

Horas en xestión documental recurrente

−50%

Tempo de resolución de non conformidades

−40%

Custe de non calidade: scrap, retraballos, escalados

Día 1

Criterio experto dende o inicio, sen implantación intensiva

×3

Velocidade de respuesta ante escalados e requisitos CSR

Solución e tecnoloxías:

VIRA baséase nun ecosistema de axentes especializados que dan resposta aos principais retos de xestión da calidade e cumprimento normativo na industria da automoción. A plataforma incorpora capacidades para interpretar automaticamente requisitos específicos de cliente (CSR), xestionar auditorías, analizar incidencias e non conformidades, identificar causas raíz e realizar o seguimento de accións correctivas mediante metodoloxías amplamente utilizadas no sector, como 8D, A3 ou QRQC.

Ademais, integra capacidades avanzadas de análise de datos e intelixencia artificial para anticipar desviacións de calidade, defectos, niveis de scrap ou problemas de capacidade de proceso, permitindo evolucionar desde modelos reactivos cara a estratexias preventivas baseadas na anticipación e na mellora continua.

A solución desprégase sobre unha arquitectura cloud segura con intelixencia artificial xerativa, RAG, busca semántica e illamento de datos por cliente. O seu deseño incorpora principios Zero Trust, cifrado de extremo a extremo e cumprimento dos requisitos de seguridade e protección de datos esixidos en contornos industriais.

Innovación achegada:

VIRA converte o coñecemento experto nunha capacidade operativa permanente dentro das organizacións. A diferenza dos sistemas tradicionais de xestión, que se centran en almacenar información ou rexistrar evidencias, a plataforma interpreta requisitos, relaciona procesos, documentación e evidencias, e aplica metodoloxías especializadas sobre problemáticas reais da automoción para facilitar a toma de decisións.

A súa principal diferenciación reside na combinación de intelixencia artificial, metodoloxías propias e unha profunda especialización nos estándares e procesos do sector, como IATF 16949, VDA ou os requisitos específicos de cliente (CSR). Esta combinación permite transformar datos e documentación en coñecemento accionable, anticipar riscos e reducir a dependencia do coñecemento experto concentrado en persoas concretas.

Grazas a isto, VIRA axuda ás organizacións a evolucionar desde unha xestión reactiva baseada no control documental e na resolución de incidencias cara a un modelo de xestión máis preditivo, trazable e orientado á mellora continua.