MERASYS
Datos de contacto
Empresa: INGENIERÍA Y CONTROL MERASYS, S.L.
Contacto: Lorena Rosende
Teléfono: +34 659 912 522
Email: administracion@merasys.es
Web: www.merasys.es
LinkedIn: www.linkedin.com/company/merasys
Descrición do proxecto
Merasys desenvolve solucións avanzadas de hardware e software para a monitorización e control de procesos industriais, con especial enfoque no sector de automoción. O seu sistema permite supervisar en tempo real parámetros críticos de produción, detectar defectos e optimizar a calidade do produto final.
A súa proposta combina tecnoloxía de visión artificial e redes neuronais para a análise automatizada de procesos, asegurando un control exhaustivo da produción e facilitando a toma de decisións correctivas antes de que se xeren rexeitamentos ou perdas.
Solución e tecnoloxías
Merasys ofrece un sistema integrado de monitorización que combina tecnoloxías de última xeración para garantir a supervisión avanzada e a mellora continua de procesos industriais:
• Visión Artificial (Computer Vision – CV): Captura e análise de imaxes para a detección automática de defectos e o control visual de calidade en pezas e compoñentes.
• Redes Neuronais Convolucionales (CNNs): Modelos de intelixencia artificial que identifican patróns visuais complexos, permitindo detectar irregularidades que poderían pasar desapercibidas mediante inspeccións convencionais.
• Monitorización Remota en tempo Real (RTRM): Sistema que supervisa de forma continua os parámetros de produción desde calquera localización, proporcionando alertas inmediatas #ante desviacións ou fallos.
• Computación de Alto Rendemento (HPC): Infraestrutura informática que garante a velocidade e capacidade de procesamento necesarias para analizar grandes volumes de datos en tempo real.
• Integración flexible: Conectividade con sistemas PLC, SCADA e plataformas cloud do cliente, permitindo a integración fluída cos sistemas existentes na planta.
• Machine Learning: Instalacións “vivas” que melloran continuamente mediante o adestramento e optimización de modelos de aprendizaxe automática, adaptándose ás necesidades específicas do proceso produtivo.
Innovación achegada
A principal innovación de Merasys radica na integración de hardware e software nunha plataforma modular e flexible que permite a monitorización avanzada de procesos produtivos. Os seus sistemas non só detectan defectos en tempo real, senón que aprenden e optimízanse constantemente grazas á intelixencia artificial e o machine learning.
Esta capacidade de auto-mellora, xunto coa compatibilidade cos sistemas industriais existentes, proporciona ás empresas do sector de automoción unha ferramenta adaptable, eficiente e de rápida implantación. Merasys contribúe así a aumentar a calidade do produto final, reducir os tempos de inactividade e optimizar os custos de produción.
