Os proxectos do BFA reciben xornadas informativas sobre financiamento

11
Xaneiro
2018

Os 20 proxectos participantes nesta nova edición do Business Factory Auto (BFA) están a recibir xornadas informativas sobre as distintas modalidades de financiamento ás que poden optar nesta iniciativa. O obxectivo destes encontros é facilitar o acceso ao financiamento por parte dos proxectos, proporcionarlle información e resolver toda clase de dúbidas. 

Na fase de aceleración, os participantes xa acudiron a unha sesión impartida por XesGalicia e Vigo Activo para detallar os seus préstamos participativos. Ademais, esta semana, celebrouse unha xornada explicativa, impartida por Teresa Bernal, sobre a subvención a fondo perdido ofrecida por GAIN.

En canto aos proxectos da fase de consolidación, están a acudir a sesións individuais con representantes de XesGalicia para coñecer con máis detalle as condicións dos préstamos participativos.

Con estas modalidades de financiamento, os proxectos da segunda edición do BFA poderán desenvolver, aínda máis, as súas iniciativas innovadoras.

Os proxectos do BFA reciben xornadas informativas sobre financiamento
Volver ao listado de novas
Utilizamos cookies propias e de terceiros para realizar análisis de uso e de medición da nosa web para mellorar os nosos servizos. Se continua navegando, consideramos que acepta o seu uso. Pode cambiar a configuración ou obter máis información aquí.