Os proxectos da terceira edición do BFA presentan as súas innovacións nunha xornada de networking

10
Maio
2019

Esta semana celebrouse, nas instalacións do centro de negocios de Porto do Molle (Nigrán), unha xornada de networking con todos os proxectos participantes da terceira edición do BFA e os seus titores. 

Durante a primeira parte da sesión os proxectos, tanto da fase de aceleración como de consolidación, presentaron ante todos os asistentes os seus avances e innovacións. Ademáis, habilitouse un espazo para aloxar expositores nos que as empresas puideron amosar de forma visual os seus produtos e/ou servizos.

Esta xornada realizouse co obxectivo de reunir a todas as empresas participantes do BFA para fomentar relacións empresariais, ampliar a rede de contactos profesionais, crear sinerxias e oportunidades de negocio, compartir información e boas prácticas e promover a mellora continua na actividade profesional dos proxectos.

A terceira edición do BFA arrancou en outubro de 2018 con 19 proxectos innovadores, 10 na fase de aceleración e 9 na de consolidación. Todas as empresas participantes están relacionadas coa transformación dixital e a Industria 4.0, contribuíndo a cubrir os ocos na cadea de valor do Sector de Automoción de Galicia e xerar talento na comunidade.

Os proxectos da terceira edición do BFA presentan as súas innovacións nunha xornada de networking
Volver ao listado de novas
Utilizamos cookies propias e de terceiros para realizar análisis de uso e de medición da nosa web para mellorar os nosos servizos. Se continua navegando, consideramos que acepta o seu uso. Pode cambiar a configuración ou obter máis información aquí.