Finaliza o prazo de inscrición do BFA con 22 proxectos presentados

02
Novembro
2016

O pasado venres 28 de outubro finalizou o prazo de inscrición para participar na primeira convocatoria do Business Factory Auto (BFA) cun total de 22 proxectos empresariais presentados das catro categorías posibles (spin out, spin off, startups e several companies spin outs).

Desde o equipo xestor do BFA consideran que estes resultados son moi positivos para a industria galega, especialmente porque se trata da primeira convocatoria destinada específicamente a novos proxectos de automoción.

Nestes momentos os proxectos están a ser avaliados por un comité integrado por membros de CEAGA, o Grupo PSA, a Xunta de Galicia e o Consorcio da Zona Franca de Vigo, que anunciarán as iniciativas seleccionadas a finais deste mes.

O obxectivo do Business Factory Auto é identificar, acelerar e consolidar proxectos especializados en automoción e a súa transformación en empresas innovadoras viables e escalables que atraian e reteñan talento.

 

 

Finaliza o prazo de inscrición do BFA con 22 proxectos presentados
Volver ao listado de novas
Utilizamos cookies propias e de terceiros para realizar análisis de uso e de medición da nosa web para mellorar os nosos servizos. Se continua navegando, consideramos que acepta o seu uso. Pode cambiar a configuración ou obter máis información aquí.